Оваа активност има за цел да им обезбеди на родителите сеопфатни ресурси за поддршка на интересот на нивните деца, од најмала возраст, за темите на STEAM, со посебен фокус на децата со аутизам. Започнува со опширно истражување на веќе постоечки материјали и најдобри практики за STEAM едукација од најмала возраст, и продолжува со приспособување на овие ресурси на посебните потреби на децата со аутизам. Направен е избор на STEAM активности и ставен е акцент на приспособување и ефективност, со цел да се поддржи раното учење и прилагодувањето на сетилните предизвици и разликите во комуникацијата кои се карактеристични за аутизмот. Водичот обезбедува практични совети и стратегии за родителите, за тоа како да ја подобрат способноста за ефективно вклучување на децата во STEAM активности во домот. Исто така, водичот содржи совети за создавање соодветна средина за учење, обезбедување на материјали и управување на времето за активностите. Водичот е дизајниран да биде инклузивен и достапен, овозможувајќи им на родителите од различни средини и со различни нивоа на познавање на STEAM, да можат да ги користат стратегиите ефективно. Водичот воглавно им служи на родителите и старателите на децата со аутизам, преку обезбедување алатки и стратегии за ефективно вклучување на STEAM активности во домот. Исто така, тој ќе биде од полза за едукаторите и организациите. Тие ќе можат да ги подобрат своите пристапи кон инклузивното образование. Генерално, оваа активност има за цел да ја подигне свеста за важноста на инклузивното STEAM образование и да ја охрабри заедницата за поголема заложба и поддршка на децата со развојни потешкотии.